وداعاً 2006

بدأ عام الفين وستة بالنسبة لي بأغرب بداية يتوقعها أنسان عاقل

ايميل من موقع للتنجيم يقول لي أن عام 2006 نقطة فاصلة في حياتي

الاغرب من ذلك هو فحوى هذا الايميل وهو يتناول تفاصيل السنة بكل دقة

للاسف الشديد قمت بمسح هذا الايميل بعدها بأيام قليلة دون أن أعرف أن ما سطرته تلك العرافة لم يكن مجرد تخمين

بل كان نبوءة

غريب جداً أنني وجدت أن كل ما قالته تلك العرافة قد تحقق بشكل أو بآخر

وأول ما تحقق هو تغيير وظيفتي واهتماماتي من القانون العام الى الادارة العامة

واذا ما طرحنا تلك الاوهام جانباً

فأن عام 2006 كان عاماً فاصلاً في حياتي بلا شك

أحتفلت فيه بمرور ربع قرن على دخولي الى هذا العالم

ورأيت فيه ما لم أرى طوال ربع قرن

وتعلمت فيه أشياء ظلت خافية عن ناظري لمدة ربع قرن

رغم انه العام الوحيد الذي لم أحصل فيه على شهادة دراسية منذ دخلت مراحل التعليم

.................

العزيزه 2006
أعذرينى أنني أتهمتك في البداية أنك كئيبه و ممله و ياريت تعدي بسرعة

يمكن لانك سنة زوجية
لكن فكرت شوية

لقيتك من السنين اللى مش حأقدر انساها
بحلوها و مرها
بناسها و أحداثها و ذكرياتها
و حتى الاماكن و الأوقات اللى قضيتها فيكى
و الأفراح اللى حضرتها و شفتها لأقرب الناس ليا
فيكى لقيت حاجات كتير و اتعرفت على حاجات كتير
حتى فيا
صحيح احداثك كانت مفاجئه و متلاحقه و سريعه
من خط واقف ميت لصعود لهبوط لضربات منتظمه و ثابته
بس بكل تقلباتك دى اثرت فيا كتير
فيكى رحت اسكندريه فى الشتا وفي الصيف
و كانت من احلى زياراتى ليها يمكن لاني مكنتش رايح الجامعة
و احلى وقت حسيت بدفا العيله و جنون البحر
فيكى ارتبطت بشغلى و ناسه
و فيكى كان لازم اسيبه لما ملقتش نفسى فيه
وفيكى وقف جنبى ناس كتير اوى و سندونى
فيكى حصلى كتير اوى

فيكي اخدنا كاس الامم الافريقية

وايطاليا فريقي المفضل اخد كاس العالم

فيكي ربنا ادااني حاجات كتير قوي
عشان كده أعذرينى
انت مهمه عندى و مكنتيش ممله
ومع اخر انفاسك
انا راضي تماماً عن كل لحظه فيكى
و عن احداثك بشكل كبير
زى ما انا مقتنع انى مع رضايا ده
عايز اقلب صفحتك ل 2007 جديده
و احداث جديده و ذكريات جديده
كنت انتظرها دائماً

ـــــــــــــــــــــــــــــــــ

2007

لسه متعرفتش عليكى
من زمان قوي وانا مستني

7/7/2007

متوقع انك عام الحسم عندي

أياً ما كانت صورة ذلك الحسم

وليقضي الله أمراً كان مفعولاً